ကိုလံဘို၊ ဩဂုတ်-၂၄-၂၀၂၅
ရတီ(VOM)
နိုင်ငံပိုင်ငွေတွေကို ကိုပိုင်ခရီးစဉ်မှာ သုံးစွဲခဲ့မှုကြောင့် ဖမ်းဆီးခံခဲ့ရတဲ့ သီရိလင်္ကာသမ္မတဟောင်း ရာနီလ် ဝိကရီမီဆင်းဟာ ဩဂုတ် ၂၃ ရက် ဖမ်းဆီးထိန်းသိမ်းခံရပြီး နောက်တနေ့မှာပဲ ဆေးရုံ အထူးကြပ်မတ်ကုသရေးဌာနသို့ အရေးပေါ်ပို့ဆောင်ကုသမှုခံယူခဲ့ရပါတယ်။
သောကြာနေ့ညပိုင်းမှာ အကျဉ်းထောင်ထဲခေတ္တထားရှိခံခဲ့ရသူ ဝိကရီမီဆင်းမှာ ပြင်းထန်စွာ ရေဓာတ်ခန်းခြောက်မှုကြောင့် အနီးကပ်စောင့်ကြည့်ကုသမှုတွေ လိုအပ်နေတယ်လို့ ကိုလံဘိုပြည်သူဆေးရုံမှ ဒုတိယညွှန်ကြားရေးမှူး ဘယ်လာနာက ပြောပါတယ်။
ဆေးရုံရောက်ချိန် ဝိကရီမီဆင်းမှာ ဆီးချိုရောဂါ နဲ့ သွေးတိုးရောဂါကို ပြင်းပြင်းထန်ထန် ခံစားနေရတယ်လို့ ဆိုပါတယ်။ ဒါပေမယ့် သူ့ရဲ့ ကျန်းမာရေးအခြေအနေမှာ တည်ငြိမ်နေကြောင်း ဆေးရုံတာဝန်ရှိသူတွေက ပြောပါတယ်။
ထောင်အာဏာပိုင်တွေကတော့ ဝိကရီမီဆင်းရဲ့ ကျန်းမာရေးအခြေအနေ ဆိုးရွားလာတာကြောင့် ထောင်အတွင်းရှိဆေးကုသရေးစင်တာမှာ ကုသနိုင်ခြင်းမရှိတော့တဲ့အတွက် ကိုလံဘို ပြည်သူ့ဆေးရုံကို ပို့ဆောင်ခဲ့ရတယ်လို့ ဆိုပါတယ်။
အသက် ၇၆ နှစ်ရှိ ဝိကရီမီဆင်းကို သွားရောက်တွေ့ဆုံခဲ့တဲ့ လွှတ်တော်ကိုယ်စားလှယ်အချို့က သူဟာ စိတ်ဓါတ်ခိုင်မာနေဆဲဖြစ်တယ်လို့ ဆိုပါတယ်။ သူအနေဲ့ ထပ်မံအာဏာရလာနိုင်တာကို စိုးရိမ်တာကြောင့် ဖမ်းဆီးထိန်းသိမ်းခံရတာလို့ စွပ်စွဲပြောဆိုပါတယ်။
စက်တင်ဘာလက ကျင်းပခဲ့တဲ့ သမ္မတရွေးကောက်ပွဲမှာ ဝိကရီမီဆင်း ရှုံးနိမ့်ခဲ့ပြီး ရွေးကောက်ခံရာထူးတစုံတရာ မရှိသည့်တိုင် နိုင်ငံရေးမှာ တက်ကြွစွာဆက်လက်ပါဝင်နေဆဲဖြစ်ပါတယ်။
Ref:CNA
Photo:AFP
